Pynrem ka Dorbar Shnong Mukhla Nongrim iaka KSU Thadlaskein Unit ba leit sam marbam sha ki longïing ba duk

Syllad | The Rising MeghalayaNovember 8, 2021

Ka Dorbar Shnong Mukhla Nongrim, West Jaintia Hills District kala pynrem jur ia ka KSU Thadlaskein Unit halor ba kynnoh ba ki longïing ba duk bad ba sah khunswet ha Mukhla Nongrim kam ju ioh jingmyntoi na ka shnong bad naka sorkar.

Ka KSU Thadlaskein Unit kala synñiang da ki marbam haka 6 tarik u bnai Naiwieng sha ki lai tylli ki longïing. Nakaliang ka bor shnong kala ong ba ka KSU ka leh ia kane ka kam khlem da ioh jingbit bad ka KSU kam tip hi ruh iaka jingshisha shaphang ka jinglong jingman jong kine ki longïing iaka jingiohmyntoi jong ki na ka bor shnong.

U Waheh Shnong Dorbar Shnong Mukhla Nongrim, u Muhon Sari ula ong ba kane ka jingkynnoh kadei kaba khlem nongrim. Ka Dorbar Shnong Mukhla Nongrim ka pynrem jur ia kum kine ki kynja seng khamtam kat iaka KSU ka seng kaba la rim bad ka don ka nongrim ban shakri ia ki paidbah ba kumno kane ka KSU Thadlaskein Unit ka nud ban leh donbor khlem da jingbit na ka bor shnong, la ong u Waheh Shnong ha u kyrwoh ba ula phah.

Ai jingiarap ka KSU sha ki longïing ba duk tasam haka shnong Mukhla Nongrim