Pynpulom ki Pulit East Jaintia Hills iaka jingthmu pynpoi drok ha Khliehriat kem saw ngut

Syllad | The Rising MeghalayaJuly 1, 2023

Ki Pulit jong ka East Jaintia Hills District haka jingiakhun pyrshah ia u drok, kila lah ha kaban pynpulom iaka jingthmu pynpoi drok hapoh ka district bad ioh kem saw ngut ki briew ryngkat u kynja ba khia 51.03 kilo haka miet sngi Thohdieng.

Kine ki saw ngut kiba shah kem ki dei u Amit Mog (29 snem) na Panisagar North District Tripura, Rajesh Kumar Keang (33 snem) na West Tripura, Babu Mog (38 snem) na Panisagar North District Tripura bad Sanjit Debarma (42 snem ) na West Tripura.

Ki Pulit jong ka East Jaintia kila pynpulom iaka kane ka jingthmu pynpoi drok hadien ba kila ioh jingtip ba thikna baka don ka kali kaba don u registration number Tripura kaba iaid lyngba ka Umkiang sha Khliehriat, kaba kit iaki mar beain ne drok.

Kumta ki Pulit kiba la pynkreh lypa kila buh iaka khyrdop talasi ha Umtyra bad iohbat iaka kali Santro kaba don ia u number TR04 A 0254, bad kitei ki saw ngut ki briew.

Ha ka jingkhynra la kyndang iaka kali haki jaka bapher bapher bala buhrieh ia u drok bad ki pulit kila iohkurup ia une u kynja ba khia 51.03 kilo.

Nalor une u kynja ki pulit kila kurup san tylli ki mobile phones, pisa T.13,540 bad ka kali Hyundai Santro ba pyndonkam ban kit ia une u drok. Halor kane ka jingiohkem ka jingtohkit ki pulit kala iaid shakhmat.