Pynpulom ki BSF iaka jingkhaii tuh na West Jaintia bad East Khasi Hills, kurup 27 ki masi dap bad muid ha khappud

Syllad | The Rising MeghalayaOctober 13, 2024

Ha ka jingbteng ban tehlakam ia ki kam bymman bad ki kam khaii tuh lyngba ki jaka khappud jong ka ri, ki shipai Border Security Force (BSF) ka Meghalaya ki la ioh ban kurup noh haduh 27 tylli ki masi dap bad ki muid na ki bynta khappud ka Jylla ha kine ki 24 kynta ba la dep.

Ia kine ki masi bad muid la ioh ban kurup noh na ki bynta khappud ia kiba la thmu ban shalan beain shapoh Bangladesh lyngba ki jaka khappud jong ka West Jaintia Hills bad East Khasi Hills District ka Jylla

Hadien ba la ioh ia ka jingtip kaba bniah, ki shipai BSF na ka 4th Battalion ki la pynlong ia ka jingkhynra hajan ki bynta khappud ha kaba ki la ioh ban kurup noh haduh 27 tylli ki masi dap bad ki muid ia kiba la buhrieh hapoh kawei ka jaka khlaw ha ki bynta khappud da ka jingthmu ban khaii tuh shapoh Bangladesh.

Hadien ia kine ki jingri la aiti noh sha ka police station ba dei khmih na ka bynta ban pynlong shuh shuh ia ka jingtohkit kaba kham bniah.