Pynpaw u president ka BJP Meghalaya ba ki pdiang sngewbha ia u Mukul ban pyniasoh sha ka party

Syllad | The Rising MeghalayaNovember 28, 2023

U President ka BJP Meghalaya u Rikman G Momin haka sngi Nyngkong u la ong ba ka party ka pdiang sngewbha ia u Myntri Rangbah barim ka jylla u Mukul Sangma lada un wan ban pyniasoh sha ka party ha kano kano ka por.

Na ka liang u Momin u la ong ruh ba um don jingtip ei ei ha kaba iadei bad ka jingiakynduh jong u Sangma ia ki heh nongialam jong ka party. Nalor kata u la ong ba um don satia kano kano ka jingsngew ban leit iakren bad une u Myntri Rangbah barim.

“Kino kino ki lah ban wan pyniasoh sha ka BJP, ka jingkhang ka plie na ka bynta jong ki. Kan long kaba sngewtynnad shibun lada u Mukul Sangma un wan ban pyniasoh sha ka party,” ong shuh shuh u president.