Pynpaw jingbymhun u nongpan RTI halor ka rukom khot eksam thungkam ka DSC East Jaintia Hills

Syllad | The Rising MeghalayaSeptember 2, 2025

U Bah Reachingson Siangshai u la ong ba um hun satia ïa ka jubab RTI kaba u la ioh na ka ophis u Deputy Commissioner, East Jaiñtia Hills District, kaba u la buh ha ka 16 tarik Jymmang 2025 halor ka rukom thep kam lyngba ka District Selection Committee (DSC).

U Bah Reachingson u la ong ba ha ka jingpynbna advertisement na ka bynta ka post Sectional Assistant, la kdew tang ar tylli ki post, hynrei ha ka result ba la mih pat, ki don lai ngut kiba la shah jied ha kajuh ka post.

Ula kam ba kane kan wanrah iaka jingbymshai ka rukom thep kam ba iaid lyngba ka DSC. Ula kam ruh ba ha kaba iadei bad ka Demonstrator Jr.I ruh la khot pynlong iaka eksam haka 1 tarik Nailur, dei haba ula pan RTI. Kane ka interview dei kaba sahteng naduh u snem 2021.

Shuh shuh ula pynpaw ruh ba katkum ka jubab RTI, ki post Grade 3 kiba don tang 38 tylli ki la shah thep haduh 12,400 ngut ki nongthep kam, katba ha ka Grade 4 pat ki post kiba lait ki don tang 30 tylli hynrei ki nongthep kam ki la poi haduh 12,782 ngut.

Hadien ba ula ioh iaka jubab na u PIO, ula pynpaw ba um hun satia namar kata ula byrthen ban leit appeal sha ka Appellate Authority kumba la buh hapoh ka aiñ RTI, la ong u Bah Reachingson.