Pynngat Micro Containment bun tylli ki ïing ha Mookyndur

Syllad | The Rising MeghalayaJuly 1, 2021

U District Magistrate, West Jaintia Hills haka sngi Palei ula pynngat Micro Containment ia bun tylli ki ïing haka shnong Moodkyndur, kaba hap ha Thadlaskeiñ Block hadien ba kala don ka jingbit jingpang khlam COVID-19.

Kine ki ïing kiba la pynngat Micro Containment ki kynthup iaka longïing ka kong Experience Suting haduh ka ïing ka kong Cruchiel Suting haka dong Pohskur bad naka ïing ka kong Iarli Mukhim haduh ka ïing ka kong Lovely Suting haka dong Khliehchem.

Ka hukum kan treikam naduh mynta ka sngi tad haduh bala pynbna da kumwei.

Ka hukum kam shah iano iano ban rung ban mih klumar sha kitei ki jaka bala pynngat Containment. La bthah ïa baroh kiba hap hapoh ka containment ruh kin hap ban shong pynkyrpang ialade ha ki iing ki sem jong ki.

Ym shah ban pynlong kino kino ki jingialang bad phah khang ia baroh ki dukan dukdoh ha katei ka jaka.

Ki kali kiba na shabar ka containment ha katei ka shnong ruh kim bit ban sangeh ha ki jaka bala pynbna containment.

Kane ka hukum kan ym treikam iaki nongtrei ka tnad ka koit ka khiah, ki nongtrei ka DC Ophis bad kiwei ki shakri sorkar kiba dei peit iaka ki kam ba donkam u paidbah.