Pynngat case ki pulit ia ki nongialam ka HYC ba leit kyndang iing ha Lum Survey

Syllad | The Rising MeghalayaMay 24, 2024

Ka Tnat pulit ka la pynngat case pyrshah ia ki nongialam jong ka Hynniewtrep Youth Council (HYC) namar ka jingdonkti ha kaba leit kyndang beaiñ ia ki iing ki sem kiba la shna beaiñ ha Lum Survey haka 23 tarik Jymmang.

Na ka liang u Superintendent of Police (SP) ka East Khasi Hills, u Rituraj Ravi u la pyntip ba ia ka case pyrshah ia kitei ki nongialam ka seng HYC la rejistar hapoh Sadar Police Station.

Nalor kata u la ong ruh ba ki nongialam ka HYC kiba la shah pynngat case ki kynthup ia u president u Bah Roy Kupar Synrem, u vice president u Donbok Kharlyngdoh, assistant general secretary u Isaac Basaiawmoit bad kiwei pat ki bym lah ban tip kyrteng.

U SP u la ong ruh ba ka jingtohkit ha kaba iadei bad kane ka bynta ka la iaid shakhmat.