Pynlong prokram pynshai paidbah ka ophis DTC-WJH halor ka jingpang TB ha Jowai

Syllad | The Rising MeghalayaMarch 22, 2025

Ban pynshai bad pynsngewthuh shaphang ka jingpang Tuberculosis (TB) ki dkhot na ka Tnad ka koit ka khiah ha ka 20 tarik Lber ki la  pynlong da ka jngialehkai ha surok (street play) ha Iawthymme, Jowai kaba long ruh shibynta jong ka National Tuberculosis Elimination programme.

Kane ka jingialehkai ka thmu ban pynsngewthuh sha ki paidbah halor ka daw, ki dak ki shin, ki lad jingiada bad ki jingsumar na ka bynta ka jingpang TB, da kaba ban jur halor ka jingdonkam ban ithuh bad lap kloi ia ka jingshitom bad ban bud ryntih ha kaba iadei bad ka jingai dawai.

Ka ophis u District Tuberculosis Control, West Jaintia Hills ka la pynlong ruh ia ka jingleit pynshai lyngba ka kali ban pynsaphriang ia ka jingtip shaphang ka jingpang TB ha baroh ki bynta jong ka sor Jowai khnang ban pynshai sha ki paidbah shaphang kane ka jingpang.

Nalor kata la sam ruh ia ki kot lyngkdop kiba don ia ki jingtip shaphang ka jingpang TB khnang ban pynthikna ba ki paidbah kin ioh ia ki jingtip halor ki sienjam ban iakhun pyrshah ia kane ka jingpang.

Haba bteng biang ia ka prokram pynsngewthuh paidbah la pynlong iaka jingialang pyngsewthuh iaki khynnah skul ka Dulong ha iungwalieh ka dorbar shnong Dulong haka 21 tarik Lber.

Ka Dr. Ns. C Tariang Medical Officer District Tuberculosis Centre (DTC) kala pynpaw iaka jingkongsan ka World Tuberculosis Day, kala ban jur iaka jingdonkam ban test kloi bad peit bniah ïa ki briew shimet kiba don ïa ki dak ki shin jingpang TB kum ka jyrhoh kaba neh slem, ka jingshit, jingduna ka jingkhia bad kiwei bad ban pynioh iaka jingsumar namar ka jingpang TB ka dei ka jingpang kaba lah ban pynkoit lada lap bad sumar kloi.

Ka Dr. Tariang ka la pynshlur ïa ki samla pule ban long kum ki TB Awareness Ambassador da kaba pynsaphriang ïa ka jingtip hapdeng ki ba ha ïing hasem bad ka shnong ka thaw. Ka la kyntu ia ba ki dei ban pyntip iaki suba ba don ia ki dak ki shin ba ki dei ban leit sha District Tuberculosis Centre na ka bynta ban ïoh ïa ka jingpeit kaba bniah bad jingsumar kaba biang.

Ka kong Amalia Lakiang, ASHA Dulong, B Ryngdem, SA DTC, Jowai, S Pohsnem STLS Jowai TU kila ïadonlang ha kane ka sngi.