Pynlong prokram aijingsumar ka BSF ha ki jaka khappud

Syllad | The Rising MeghalayaOctober 26, 2023

Ka tnat shipai khappud ka Border Security Force (BSF) Meghalaya haka sngi Palei  ka la pynlong da ka prokram aijingsumar ei shibynta ka sienjam ban pynthikna na ka bynta ka bha ka miat jong ki paid nongshong shnong kiba shong ba sah ha ki thain khappud ka India bad ka Bangladesh.

Ia kane ka prokram aijingsumar la pynlong shibynta jong ka Civic Action Programme hapoh ka shnong Kuliang ha East Jaintia Hills district.

Ha kane ka prokram la wan iashim bynta da ki doktor na ka tnat shipai BSF kumjuh na ka liang ki doktor sumar paidbah kiba la aijingsumar bad sam ei ia ki dawai dashin sha ki nongshong shnong kiba wan na ki longiing kiba duna ha ka liang ka ioh ka kot kiba la wan na ki katto katne tylli ki shnong ba marjan kum napoh Borsora, Laijuri bad Pyrtakuna.

Ki la don haduh palat 300 ngut ki nongshong shnong na ki shnong khappud ba marjan kiba la ioh jingmyntoi lyngba kane ka prokram aijingsumar.