Pynlong Medical Camp ka STP bad DM&HO na ka bynta ki pulit Traffic bad nongniah kali

Syllad | The Rising MeghalayaApril 23, 2025

Ka Shillong Traffic Police (STP) ryngkat ka jingiatreilang bad ka District Medical & Health Officer (DM&HO) ha ka 22 tarik Iaiong ki la pynlong da ka jingai jingsumar ei na “Free Medical Camp” na ka bynta ki nongniah kali kamai bad ki pulit traffic ha Khyndailad.

Haba aijingkren ha kane ka sngi, u Superintendent of Police (SP) Traffic, u K Prasad u la ong ba ka jingthmu ban pynlong ia kane ka ‘Free Medical Camp’ ka long ban pynioh ia ka lad jingsumar ei na ka bynta ki nongniah kali kamai kumjuh na ka bynta ki pulit traffic.

Na ka liang u SP u la pynpaw ruh ka jingsngewnguh ia ka ophis DM&HO halor ka jinglong lakloi jong ka ban pynlong ia kane ka Medical Camp kaba la aijingmyntoi shibun na ka bynta ki nongniah kali kamai kumjuh ia ki pulit traffic.

Nalor kata u la ong ruh ba kane ka jingai jingsumar kam shym la long ruh tang na ka bynta ki nongniah kali kamai bad ki pulit traffic hynrei kumjuh na ka bynta ki riew paidbah kiba pynlut kham por ia ka por ka jong ki ha ki surok namar ym lah ban tip ia ki jait jingshitom kiba ki lah ban ktah na kiba bun ki daw namar ka jingpynlut ia ka por ha surok.

Na ka liang ki doktor kiba la wan iashim bynta ha kane ka Camp ki la ban jur ruh halor ka jingdonkam ban leh khah khah ia ki test ha kaba iadei bad ka koit ka khiah.