Pynlong ka tnad Veterinary da ka jingai injek iada na jingpang Rabies ha Jorbil Kiling

Syllad | The Rising MeghalayaMay 1, 2025

Khnang ban khanglad na ka jingsaphriang jong ka jingpang Rabies ne ka jingpang lamwir ki ksew (kaba ioh na ka jingshah dait ha ki ksew ki miaw bad kiwei bad na ki mrad sha ki briew), ka Tnad Veterinary Byrnihat ha ka 30 tarik Iaiong ka la pynlong da ka prokram ai injek na ka bynta ki ksew bad ki miaw ha ka thain Jorbil Kiling ha Ri Bhoi District.

Ha kane ka prokram ai injek la sakhi ia ka jingwan jong kiba bun ki briew ha ryngkat kine ki jingri jong ki. Nalor ka jingai injek na ka liang ka tnad ka la shim ruh ia ka kabu ban pynsngewthuh halor ka jingma na ka jingpang Rabies bad halor ka jingdonkam ban ai injek ia ki jingri ha ki iing ki sem jong ki.

Na ka liang u Dr. Aiban Phankon uba dei u Doctor In-Charge ka tnad Veterinary Byrnihat u la pynpaw ia ka jingkmen halor ka jingwan iashim bynta jong kiba bun ki nongshong shnong ha kane ka jingpyrshang jong ka Tnad ban tehlakam ia ka jingpang Rabies.

Kaei ka Rabies? Kumno ka saphriang?

U la ong ruh ba kane ka jingwan iashim bynta shitrhem jong ki trai jingri ha kane ka jingai  inejk ia la ki jingri ka long kaba pynioh mynsiem shibun. Ka jingpang Rabies kaba dei ka jingpang kaba shyrkhei bad kaba lah ban pyniap briew ka pynpaw ia ka jingdonkam ba thikna halor ka jingai injek ia ki ksew ki miaw.

Ka tnad Veterinary ka la kular ruh ban bteng ban pynlong ia kiba kum kine ki prokram khnang ban lah ban tehlakam ia kane ka jingpang Rabies bad ban pynthikna ba ki jingri bad ki briew kin don hapdeng ka jingshngain na kane ka jingpang ba shyrkhei.