Pynlong iew pyninam ka ophis DCIC ha Mihmyntdu ban kyntiew iaki nongseng kam

Syllad | The Rising MeghalayaFebruary 8, 2024

Kum shibynta ban kyntiew iaki nongseng kam lajong, ki nongshna iaki tiar shna da ka kti bad kiwei kiwei nalor ka jingbam, ka ophis DCIC, Jowai kala pynlong iaka 35th District Level Industrial Exhibition ba arsngi kaba la sdang haka 7 tarik Rymphang.

Ia kane iew pyni nam la plie da u Assistant Commissioner, West Jaintia Hills u Bah W K Kharbuli, MCS ha phyllaw jong katei hi ka ophis DCIC bad ki don baroh 30 tylli ki stalls.

U Bah W.K Kharbuli u lah ïaroh halor ka sienjam ba la shim da ka DCIC ha ka jingplie kine ki rynsan ba lah ban pyni nam kiba bunjait ki tiar bad ki mar ki mata la  ki long ki tiar shna kti, ki tiar thaiñ, ki karkhana pynmih tiar kiba rit na kane ka  district.

U la pynshlur ïa ki nongïashimbynta ha kane ka program da kaba ong ba kum kine ki program  ym tang ba ki pynshat shynna halor ka kam jong ki hynrei ka ai jinghikai ban plie lad ïa ki pateng ban wan, ba kin lah banim jakpoh na kum kine ki jaitkam.

U General Manager ka DCIC u Bah  B. Warjri ula iathuh lyngkot halor ka jingthmu bad ka thong kane ka exhibition kaba dei kawei na ki lad ban ai rynsan iaki nongseng kam, ki nongshna bad pynmih ki mar ki mata bad ka jingpynmih ki tiar tynrai ba ki lah ban pyni nam la ki jong ki tiar ki jong ki tiar.