Pynliem ka Phramer iaka Khliehtyrshi da 79 run haka District Cricket League ka WJHDCA

Syllad | The Rising MeghalayaMay 10, 2025

Ka Phramer Cricket Club ka la jop da 79 run pyrshah ia ka Khliehtyrshi Sports Club haka jingialehkai District Cricket League akaba pyniaid da ka West Jaintia Hills District Cricket Association (WJHDCA) kaba long ha madan ha Khliehtyrshi haka 10 tarik Jymmang.

Haba tied nyngkong ka Phramer kaba la jop iaka toss kala kamai 169/10 naka 20 over. U James Nongrum u la lehkai bha da kaba tied 38 run na 29 bol ryngkat 2 tylli 6s bad saw tylli 4s. U Melan Suchiang bad Pyrkhat Sari kila synniang mar 25 run, u Hamm Lyngdoh (23) bad u Deimiki Rason (19).

 U Arman Dkhar, nongkawang ball jong ka Khliehtyrshi SC u la ioh ban khyrwit 3 wicket.

Haba beh ia ka thong, ka Khliehtyrshi SC kala kamai 90 run na ki 20 over bad liem 8 wicket. U Hoppermoon Rymbai (not out) u la kamai 17 bad u Lakhon Dkhar (not out) 11 run. Katba napdeng ki nongkawang ball ka Phramer u Hamm Lyngdoh ula khur 3 wicket ha ki 4 over kaba biang pura ia u ban khur iaka nam man of the match.

Ka jingïakhun kaba bud haka 12 tarik Jymmang kan long hapdeng ka ka Mowkaiaw CYC pyrshah ia ka Moodymmai SC haka por 8:30 Am