Pynliem ka Evergreen Mukhla Mission iaka Moodymmai da 11 run haka District Cricket League ka WJHDCA

Syllad | The Rising MeghalayaMay 9, 2025

Ka Evergreen Mukhla Mission ka la pynliem ia ka Moodymmai SC da 11 run ha ka jingialehkai District Cricket League kaba la pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 8 tarik Jymmang.

Haba tied nyngkong hadien ba rem iaka toss, ka Evergreen Mukhla Mission ka la kamai 130/9 na ka 20 over. U Shoristar Suna marwei ula lah ban kamai 58 run na ki 51 ball.

Naki nongkawang ball ka Moodymmai u Bichar Lamare u la khyrwit 4 wicket bad Rijest Lytan ula khur 3 wicket.

Hashuwa ba ka Moodymmai kan sdang iaka pali jong ka ban tied la wan pynthud noh u slap bad la pynduna iaka thong sha ka 116 na ki 17.2 over (DLS), hynrei kala liem da 11 run hadien ba kala ban kamai 104/8. U Levestar Phawa u la kamai 32 run bad u Pyndap Lamin 17 run.

U Kamkini Sari ula lam khmat napdeng ki nongkawang ball ka Evergreen Mukhla Mission da kaba khur 3 wicket kaba biang pura ia u ban khur iaka nam Man of the Match.