Pynkynmaw ka DC East Khasi Hills ba donkam pyniasoh mardor ia u Aadhaar bad Card Rashon

Syllad | The Rising MeghalayaMarch 15, 2025

Ka Deputy Commissioner (Supply), East Khasi Hills District ka la pynmih ia ka jingpynkynmaw sha baroh ki nongioh jingmyntoi ba la ithuh hapoh ka NFSA, kata kiba don ia ki Card Rashon PHH bad AAY kiba hap hapoh East Khasi Hills ba ka Ministry of Consumer Affairs, Food and Public Distribution, Department of Food and Public Distribution ka Sorkar India ka la iai ban halor ka jingdonkam ban pyniasoh ia u Aadhaar bad ki Card Rashon (PHH bad AAY).

Ha kaba iadei bad kane bad khnang ban lait na ka jingma jong ka jingduna ha ka jingkdup ia ka jingdon jong ki nongioh jingmyntoi namar ka jingbym bud ryntih ia ki jingbthah, la kyrpad ia baroh ki nongioh jingmyntoi lyngba ka NFSA ba kin pyndep noh ia ka e-KYC lyngba ki e-POS machine kiba don ha baroh ki dukan ai rashon ha East Khasi Hills baroh kawei ha lane shwa ka 25 tarik Lber 2025.