Pynkylla por khang surok ha Laitlyngkot-Lyngkyrdem
Ka Additional Deputy Commissioner, Pynursla Civil Sub Division, Kong EL Warjri kala pyntip paidbah ba kala pynkylla iaka jingpynbna paidbah kaba la pynmih haka 18 tarik Naitung ha kaba iadei bad ka jingkhang surok kaba man ka sngi ha shilynter ka surok Laitlyngkot, Lyngkyrdem (Chainage Kms 24+00 — 37+00).
Katkum ka jingpynbna kane ka jingkhang surok kan iai bteng bad ka jingpynkylla ka dei ha ki por khang iaka surok.
Kane ka jingkhang surok ka long naduh ka por 12 baje haduh 4 baje mynsngi, katba haka por mynmiet ka jingkhang iaka surok ka long naduh ka por 9 baje mynmiet haduh 4 baje mynstep.
Ka jingkhang surok mynta kan treikam man la ka sngi naduh 20 tarik u Nailar, 2025, haduh ka 31 tarik u Nailar, 2025.
La kyntu shuh shuh ki nongleit nongwan ba kin long kiba husiar haba iaid lyngba kane ka surok bad kiar na ka leit ka wan, klaba ym donkam than ha ka por bajur u slap ne hadien ka jingjur slap, bad kumjuh ruh ha ka por mynmiet.
Facebook
Instagram
Youtube
Twitter
Leave a Reply