Pynkut u bah Bah Ardent iaka jingshah jingit hadien ba thaw ka sorkar iaka Expert Committee ban bishar iaka Reservation Policy

Syllad | The Rising MeghalayaJune 1, 2023

U President jong ka Voice of People Party (VPP) bad uba long ruh u MLA jong ka Nongkrem Constituency U Bah Ardent Miller Basiawmoit u la pynkut noh ia ka jingshong shah thngan kaba la neh haduh shiphew sngi na bynta ka daw bah jong ka jaidbynriew, kata ban pynthymmai noh ia ka Meghalaya State Reservation Policy kaba la 51 snem hadien ba ka Sorkar Jylla ka la pynmih ia ka notification bala thung ia ka Expert Committee na bynta ban khmih thymmai ia ka Reservation Policy.

Kane ka kynti kan long ka jingsah khana pateng la pakit ba namar ka jingiakhih kaba jai jai jong u bah Ardent Miller Basaiawmoit president Voice of the People Party (VPP) da kaba shah thngan 10 sngi lynter kala pynlong iaka sorkar ban pyndem bad ban rai ban thaw iaka Expert Committee halor ka Reservation Policy ne ka bhah thung kam thungjam jong ka Jylla.

Ka Sorkar Jylla kala thaw mynta ka sngi ia ia kane ka committee bad ia kane la pynbna da u u Chief Secretary ka Jylla Bah D.P Wahlang lyngba ka Tnad Personnel & A.R (B) ka Sorkar Jylla.

Kane ka jingpynbna ka ong “U Lat ka Jylla u sngewbha ban pyntip halor ka ‘Expert Committee’ ka ban shong bishar thymmai ia ka State Reservation Policy kumba la pyntip ha ka Resolution PER. 222/71/138 bala pynmih ha ka 12 tarik Kyllalyngkot 1972”.

Ka jingpynbna ka ong ba u/ka Chairperson bad ki Dkhot jong ka Committee kin kynthup ia ki stad ha ka Constitutional Law, Economics, Sociology, Demographic studies, bad kiwei kiwei ki bynta ki ban sa pyntip da ka Sorkar Jylla.

Kane ka Committee kan shong bishar thymmai ia ka State Reservation Policy da kaba shim ia ki jingai jingmut na baroh kiba don bynta bad ruh da kaba leit iuhkjat sha baroh ki bynta jong ka Jylla.

U bah Ardent haba ioh pdiang ia kane ka shithi ba la thaw iaka expert Committee halor ka Reservation Policy, ula lum iaka jingialang u paidbah bad pynbna ba ula pynkut iaka jingshah thngan da ka jingduwai.

Ula ong ruh ba ka sorkar ka dei ruh ban pynsangeh iaka jingthep kam tad haduh ba la pynbeit iaka Reservation Policy ka jylla.