Pynkut ka WJSU iaka jingai jinghikai iaki nonghikai

Syllad | The Rising MeghalayaJune 2, 2025

Ka Education Sub Committee jong ka War Jaintia Student Union haka 30 tarik Jymmang kala pynkut noh iaka jingai jinghikai jong ka wat kaba nyngkong kaba neh arsngi na ka bynta ki nonghikai ka thain War Jaintia kaba tip kum ka Training Session First Edition ha Riwar Jaintia Churh of God Secondary School, Ladjaplem, Amlarem Civil Sub Division.

Ki riew shemphang kiba la wan ban ai jinghikai ki long napoh k skul bah ICFAI University Meghalaya, Shillong.

Ia kane ka jingai jinghikai la plie da u Ishan Gupta IPS, Additional Superintendent of Police West Jaintia Hills District, haka jingdonlang u Ma H. Comfortstar Lamin Gassah Incharge Sub-divisional School Education Officer, Amlarem Civil Subdivision, u Principal ka Riwar Jaintia Church of God Secondary School Ma Hastingroy Kharkhongor nalor kiwei kiwei.

Iaka jingialang kaba la pyniaid da u Ma Alban K Gashnga, Chief Adviser ka seng bad la iashim bynta haduh 50 ngut ki nonghikai naka kyrdan Lower Primary bad Upper Primary School.

Haka sngi pynkut la sam syrnot sha baroh ki nonghikai da u Everest Langstang, General Secretary ka WJSU nalor kiwei kiwei de ki dkhot ka seng.

Ka WJSU kala pyntip ba ka wat kaba ar jong ka jingai jinghikai kan long ha u Kyllanglyngkot 2026.

Kiwei de kiba la ai jingkren ki long ka Kong Graceful A. Pohthmi Education Secretary ka seng bad la pynwai iaka jingialang da ki kyntien khublei na u Senior Vice President ka seng Autumn Sumer.