Pynkup burom ka Synjuk Waheh Chnong Jowai iaka samla Ridamaya kaba iashimbynta haka iakop bhabriew ha Turkey

Syllad | The Rising MeghalayaMarch 7, 2025

Ka Synjuk ki Waheh Chnong Jowai kala pynkupburom iaka samla Ridamaya Passah kaba la wan ban iashimbynta haka iakop thei bhabriew dangshen na ka ri Turkey haka rynsan Top Model of Universe 2024.

Ia kane ka jingpynkup burom la pynlong haka 6 tarik Lber ha iungwalieh Loompyrdi Iongpiah, Jowai.

Ka samla Ridamaya Passah kala ioh kup iaka pansngiat Sunsilk Mega Miss North East 2024 bad dei lyngba kane ka namjop kala ioh mihkhmat na ka bynta ka Ri India sha Turkey ban iakhun haka Top Model of Universe 2024.

Ka Ridamaya Passah, khun jong ka Kong Nira Passah, ka nongshong shnong ba pura jong ka Loompyrdi Iongpiah, Jowai, ha ka kyntoit Khlieh-aitnar. Ha ka jingiakop na ka bynta ka Top Model of Universe 2024, ka khlem poi sha ka thong, tangba ka la ioh rah ia kawei ka nam ba kyrpang kum ka Best Face ha kata ka iakop.

Ha kane ka sngi ka synjuk kala pynkup burom ruh ia u nongniah iaka Ambulance ka synjuk, u Samewan Roy Rymbai, kum u nongñiah badon akor donburom bad batrei hok iala ka kam.

Ia kane ka jingialang pynkup burom la pyniaid da u President ka Synjuk, Jlan Kupar Rymbai uba la ai ia ki kyntien pdiang burom bad la pynbud ka jingkren na u Riquoma Rq. Laloo, General Secretary ka Synjuk.