Pynkup burom ka shnong Panaliar iaki tymmen ki kro ka shnong

Syllad | The Rising MeghalayaDecember 29, 2024

Ka Dorbar Shnong Panaliar haka 29 tarik Nohprah kala pynkup burom iaki tymmen ki kro kiba la kynjoh sha ka 75 snem ka rta shaneng.

Ha kane ka jingpynkup burom kala don ka jingialang kaba lyngkot bad la ioh iaka jingkren na u waheh shnong Panaliar u ma Riquoma Rq. Laloo  uba la kitbok kitrwiang ia kine ki tymmen ki kro ba kin ioh iaka met kaba koit kaba khiah.

Ula iathuh ba ia kane ka jingpynkup burom ia ki tymmen ha shnong yn pynlong ha manla ka san snem.

Iaka nguh ka dem blei la ai da u Kyllimot Lhuid bad ka kyntien ai khublei na general secretary ka shnong Panaliar u ma Marryngkat Syngkon.

Kala don ruh ka jingrwai pdiang na ka sein kynthei- Panaliar Women’s Welfare Organisation (PWWO).

Kine ki tymmen ki kro kiba la shah pynkup burom ki don haduh 33 ngut bad kaba heh duh haka rta ka dei ka meirad Moi Lakiang bad kaba rit rta eh ka dei ka meirad Waiarlet Lamare.

Ia kine ki tymmen ki kro la pynkuop burom da u waheh shnong ma Riquoma Rq. Laloo ma Marryngkat Syngkon, u Ram Sumer, Assistant General Secretary, u Lakhon Passah, Treasurer, u Executive Member, u R. Thawmon Bamon, u O. Rilando Shallam bad u R. Kyrtong Bamon.