Pynkup burom ka Seiñ Kur Dkhar iaka Miss Meghalaya bad Miss Northeast

Syllad | The Rising MeghalayaDecember 13, 2022

Ka Seiñ Kur Dkhar East Jaintia Hills District,  haka sngi Nyngkong kala pynkup burom kyrpang iaka Samla Irene Dkhar kaba la ioh khur iaka nam kum kaba bhabriew tam haka Miss Meghalaya bad ka Miss Northeast

Ka samla Irene Dkhar ka dei kaba na ka shnong Rymbai, East Jaintia Hills.

Ia kane ka prorkam pynkup burom ka Seiñ Kur Dkhar kala pynlong ha iing hall ka Khliehriat West, East Jaintia Hills District haka jingialang kaba pyniaid da a MH Dkhar general secretary ka Khur Dkhar

La iadonlang ki nongialam ba pawkhmat jong ka Seiñ Kur Dkhar-EJHD, naduh u President, Teras Dkhar, U Besterwell Dkhar uba long u Professor ha Jaintia East College, Khliehriat, Ka Kong WM Dkhar Selection Grade, Prof. Kiang Nangbah Govt. College,

U President ka Seiñ Kur Dkhar-EJHD, u Teras Dkhar, haba ai jingkren u la pynpaw ia ka jingsngewkmen, jingsngew sarong, bad ruh ka jingsngewnguh kaba khraw ia ka Irene Dkhar iba, lyngba ka jingtrei shitom jong ka, kala lah ban wanrah iaka nam ka burom ia lade, ia ka iing ka sem bad ka Kur Dkhar bad ka District bad ka Jylla baroh kawei.

Ula kitbok kitrwiang iaka Irene Dkhar ba nang kiew bad ban jop haka jingim ha kino kino ki rynsan kiba ka iashimbynta

La pynphuh pynphieng shuh shuh ia katei ka jingpynkup da ka jingrwai ba kyrpang tang na ka bynta jong ka, ba la rwai da u Lincoln Nixon Dkhar, hadien kata, bud pat sa da kiwei pat ki jingai sngewbha, kata, ar tylli ki ki tiar  sah-jingkynmaw, kata, na ka bynta ka jingjop  jong ia ka pansngiat, Miss Meghalaya, 2022, bad ruh, Miss Northeast, 2022, ki riam tynrai bad ka pisa Rs. 6000/-.