Pynkup burom ka Seiñ Kur Dkhar ia kiba pass bha bad thaw iaka Seiñ kur Jalyiah Khliehmyntriang
Ka Seiñ Kur Dkhar Jaintia Hills, Wapung Circle kala pynkup burom ïaki 27 ngut ki khun samla ka kur Dkhar kiba la pass bha ha ki eksamin bapher bapher haka 4 tarik une u bnai haka jingialang kaba long haka shnong Jalyiah, East Jaintia Hills District.
Kane ka jingpynkup burom kadei kaba la tip kum ka “Excellence Award 2021”.
Ia kane ka jingialang pynkup burom la pynïaid da u President ka Seiñ Kur Dkhar Wapung Circle u Ma Shaniahskhem Dkhar haka jingiadonlang u Ma Justine Dkhar u MLA barim ka Khliehriat, ka Kong Rosila Dkhar, ki nongialam ka kur Dkhar u Ma Hamjhan Dkhar, general secretary Seiñ kur Dkhar Central body, u Ma Teres Dkhar President ka Kur na East Jaintia bad kiwei kiwei.
La pynphuh pynphieng iaka jingialang da ka jingshad tynrai na ki samla ka shnong Khliehmyntriang, Jalyiah, Tuberkmaishnong, Wapungskur bad na ki longkmie na Pamrakmai bad Wapung Shnong.
Ha kane ka sngi la thaw ruh iaka Seiñ Kur Dkhar Jalyiah Khliehmyntriang Unit bad la pynskhem iaki dkhot da u Ma HC Dkhar vice president central body jongka Seiñ Kur Dkhar
Ki nongkitkam jong ka Kur Dkhar Jalyiah khliehmyntriang Unit naka bynta ka samoi 2021-2024 ki kynthup ia u Hamklet Dkhar president, Emmon Dkhar vice president, Lamphrang Dkhar secretary nalor kiwei kiwei.
Facebook
Instagram
Youtube
Twitter
Leave a Reply