Pynkup burom ka Rotary Club Jowai iaki nongtrei ka tnad ka koit ka khiah bad home guard

Syllad | The Rising MeghalayaOctober 3, 2022

Ka Rotary Club Jowai haka sngi Saitjain kala pynkup burom iaki nongtrei ka tnad ka koit ka khiah bad nongtrei ka tnad Home Guard & Civil Defence, West Jaintia Hills.

Ïaka jingïalang pynkup burom la pynlong ha Infinity Conference Hall, Mooralong, Ladthadlaboh.

U Dr. Phervision Nongtdu, Principal Jaintia Eastern College, Khliehriat ula long u kongsan haka jingiadonlang ka Rtn. Easter F.Gatphoh (MPHF), Charter President RC-Jowai haka jingïalang kaba la pynïaid da u Rtn. Samehi Laloo, (RFSM) President RC-Jowai bad la ïoh ka jingkren pdiang burom na u Rtn JM. Pohsngap, Past President RC-Jowai.

Nalor ka jingpynkup burom ïaki nongtrei ka tnad ka koit ka khiah bad tnad Home Guard & Civil Defense la pynkup burom kyrpang ruh ïa u Dr R Pohsnem, Senior Medical & Health Officer DMHO, In charge Nartiang PHC, Dr. Helen Uriah, Mother & Child Health Officer DMHO, West Jaintia Hills bad kawei ka Lab Technician.

Shuh shuh ka Rotary Club Jowai kala pynkup burom ruh Rtn. Yoo Franky Laloo uba la bat iaka kam Executive Engineer MSPCB, Shillong.

U Dr. P. Nongtdu haka jingkren ula ïaroh ïaki kam ka Rotary Club Jowai kum ka seng kaba shakri ïaka miat ka bha haka imlang sahlang bad ula ai mynsiem ruh ïa kiba la shah pynkup burom ba kin nang trei shitom iaka kam kaba la bynshet ha ki.