Pynkup burom ka Rotary Club Jowai ia u kaitor tyngshop bad u nong oh dur

Syllad | The Rising MeghalayaMay 20, 2022

Ka Rotary Club Jowai haka sngi Palei kala pynkup burom iaki ar ngut kiba kynthup ia u R Konel Phira u kaitor u tyngshop ka Jowai bad ia u Ram Kynjing u nong oh dur oh dar.

Ia kane ka jingialang la pynlong ha Infinity Conference Hall Mooralong, Jowai.

Hakane ka jingpynkup burom la iadonlang u Dr. MS Konwar Major Donor, District Governor ka Rotary Club uba la wan ban iuhkjat ha Jowai.

U Rtn. M.Passah, MPHF President Rotary Club Jowai kum u shongknor jong ka jingïalang ula ai ki kyntien lamkhmat haka jingiadonlang u Rtn. DF Majaw, PHF Director of Club Service katba u Rtn. Rudolf E Laloo PHF bad Rtn. S.Laloo RFSM.

Shuh shuh haka jingïalang u Rtn. Dr. K.Syngkon ula pynsngew ïaka thong treikam ka seng katba u ka Rtn. E.F.Gatphoh, MPHF, Chairperson of Rotary Foundation Committee ka la pynsngew ïaka dor jong ka pisa ba la ïarap kylluid mynsien ki dkhot sha ka ïarong jong ka Rotary International bad la aiti ruh ïaka Cheque ha u District Governor.

Haka jingwan ïuhkjat u District Governor 3240 la pynsah kynmaw ruh ïa kane ka sngi da kaba pynkup burom ia u Konel bad y Ram Kynjing.

U Director of  Vocational Service Rtn. DToi ula pyniaid iaka jingialang pynkup burom.

U ma R.Konel Phira haka jingkren ula pynpaw ka jingsngewnguh ïaka Rotary Club Jowai kum kawei na ki seng kaba trei na bynta ka bha ka miat haka imlang sahlang jong ki nongshong shnong bad ula mynsiem ïaki khun ka ri Jaintia ban imsngi bad pyndonkam hok ïaka sap ba la ai U Blei.

U Rtn (Dr) MS Konwar Major Donor, District Governor 3240 haka jingkren ula ïaroh ïaka sap kyrpang jong u ma Konel Phira bad u ma Ram kynjin bad ula pynshlur ïaki ban hikai ïa kiwei khnang ban im ban neh ka sap jong ki pateng la pateng.