Pynkup burom ka President ka Ri ia u Prof David R Syiemlieh da ka khusnam Padma Shri Award

Syllad | The Rising MeghalayaApril 28, 2025

U Prof David R Syiemlieh na Meghalaya u la shah pynkup burom da ka khusnam Padma Shri Award halor ka jingnoh synniang ha ka liang ka thoh ka tar bad ka pule dangle.

U Prof Syiemlieh uba dei u riew shemphang ha ka histori bad ka kolshor jong ka thain Shatei Lammihngi bad u Chairman barim ka UPSC u dei napdeng ki 4 ngut kiba la ioh pdiang ia ka khusnam Padma Vibhusha, ki 10 ngut ki Padma Bhushan bad 57 ngut kiba la ioh khusnam jong u snem 2025.

Ka kane ka khusnam la pynkup burom da ka President ka Ri India ka Droupadi Murmu ha ka jingialang kaba la long ha Ganatantra Mandap ha Rashtrapati Bhawan haka 28 tarik Iaiong.

Ha kane ka jingialang la ia don lang ruh u Vice President ka India u Jagdeep Dhankhar, u Myntri Rangbahduh ka ri u Narendra Modi, u Myntri ka Tnad kam pohiing ka Sorkar Pdeng u Amit Shah nalor kiba bun kiwei pat ki Myntri bad ki heh sorkar.

Kine ki nongioh pdiang khusnam Padma kin leit ban leh burom ha ka National War Memorial lashai ka sngi 29 tarik Iaiong bad kin sa leit jngoh ruh sha Rashtrapati Bhawan bad Pradhanmantri Sangrahalaya.