Pynkup burom ka Pamrapaithlu ia ki khynnah ba pass bha haka SSLC bad HSSLC haka jingialang pyrkhat kam shnong

Syllad | The Rising MeghalayaSeptember 12, 2021

Ka Dorbar Shnong Pamrapaithlu haka sngi Thohdieng kala pynkup burom ia 19 ngut ki samla pule kiba pass bha haka eksamin SSLC bad HSSLC.

Ia kane ka jingpynkup la pynlong haka ïing dorbar ka shnong Pamrapaithlu haka jingialang pyrkhat kam ka dorbar shnong Pamrapaithlu kaba pyniaid u Chairman u ma Cornelius Dkhar haka jingiadonlang u waheh shnong Leningstar Rymbai bad ki nongialam jong ki committee shnong badpher bapher.

La sneng la kraw ia ki samla kiba la pass ban trei shitom bad kiar na ki jingmlien ba sniew ban jop haka jingim pule puthi.

Ka Dorbar shnong Pamrapaithlu haka jingialang pyrkhat kam kala ai iaka report bad iakren sani ruh halor ki kam pynroi iaka shnong ka thaw khamtam iaki kam ban pyntrei ka VEC shnong kaba pyntrei iaka skim bylla 100 sngi ba kan iaid beit iai ryntih hapoh shnong ban myntoi ka shnong.

La iakren ruh naka bynta ban pynbha iaka rukom treikam ka VDP, SMC, Sports committee, bad kiwei kiwei ki committee.