Pynkup burom ka ophis u Deputy Commissioner, DSO Jowai ia ka North Liberty HSS bad kiba ioh takma ha ka athletic

Syllad | The Rising MeghalayaAugust 17, 2025

Ka ophis u Deputy Commissioner, West Jaintia Hills District bad ka ophis u District Sports Officer ha ka 15 tarik Nailar kala shim ïa ka sienjam ban pynkup burom ïa ki khynnah ïalehkai North Liberty Higher Secondary School bad ïa ki katto katne ki khynnah ïalehkai athletic kiba khur takma.

Ka North Liberty HSS ka dei ka lahduh ha ka U-17 Boy’s State Level Subroto Mukherjee Cup Football bad da kane ka namjop kan mihkhmat ïa ka District bad Jylla kumjuh sha ka Subroto Cup International Tournament kaban long ha Delhi.

Kine ki khynnah ïalehkai ka North Liberty kiba la shah pynkup burom ki kynthup ïa u Idamayalang Pyrtuh, Livingston Lyngdoh, Banteilangki Sumer, Jerimesi Pohdweng, Lastborn Suting, Eiliting Pohshna, Ebenezer L Nongrang, Shkemmon Pohthmi, Iaisanlang Dohling, Khrawborlang Lyngdoh, Nambor Lamat, Erickson Shylla, Jinial Rasmut, Ebormi Pohplet, Wanjop Jat, Teilangme Phawa, Damehi Kyndiah (Manager) bad u Dapmon Tariang (Coach).

Katba ki athlete kiba shah pynkup burom ki dei kiba ïoh khur takma na ka State Level Inter School Athletic Meet bad kine ki kynthup ïa u Iarmi O Lamin (Gold, 1000 m), ka Daphi Dkhar (Silver, 400 m), u Yiarmanwill Rymbai (Silver, 100 m), ka Peacefully Pohplet (Silver, 300 m), ka Wankynsai Pyrtuh (Silver, Javelin Throw), bad u Resourcewellson Sayoo (Silver, Triathlon B).

Ki kiba la ïoh takma rnong ki long ka Felisha Mukhim (1000 m), ka Wasaki Phawa (5000 m), u Iohiksan Lyngdoh (400 m), u Pynskhemkidame Lhuid (5000 m), ka Saphika Pyrtuh (600 m), ka Baiarbha Nongrum (Shot Put), u Teilangme I Phawa (600 m), ka Deisaphi Chadap (Triathlon C), bad u Hopefullson Kyndait (Triathlon C).

Katba ki official pat ki kynthup ïa u Firstly Gust Stone Challam (Manager), Kermiki Pasi (Coach), bad ka Basiadiamki Talang (Coach).

Ha kane ka jingpynkup burom la iadonlang u MLA Jowai Wailadmiki Shylla nalor u DSO bad ki dkhot nongkitkam ka WJDSA.