Pynkup burom ka NPYF iaki 41 ngut ki khynnah skul ba pass bha haka thain Nartiang

Syllad | The Rising MeghalayaJuly 6, 2025

Ka National People’s Youth Front (NPYF) 1-Nartiang Constituency kala pynkup burom iaki 41 ngut ki khynnah skul kiba la pass haka SSLC bad HSSLC kum shi bynta ban pynshlur bad ai mynsiem shuh shuh iaki ba ki nang iai minot bad trei shitom haka jingim pule puthi.

Ia kane ka prokram pynkup burom la pynlong ia iing dorbar jong ka shnong Ummulong ha ka 5 tarik Naitung.

Ka jingthmu jong ka NPYF-ka seng samla jong ka NPP ban pynlong ia kum kane ka prokram ka long ban ai ka jingithuh halor ka jingjop ki samla haka pule ka puthi bad kum ka seng ki samla ka kular ban teng ban ai ka jingkyrshan iaki samla pule jong ka thain baroh kawei.

Ha kane ka sngi la iadonlang u Chief Executive Member (CEM) ka JHADC u Ma Thombor Shiwat, u MLA Jowai u Ma Wailadmiki Shylla, ki MDC ka thain u Ma J. Suiam bad u Ma R. Lamare nalor ki riew rangbah bad ki kmie ki kpa jong ki khynnah ba shah pynkup burom.

Baroh ki nongkren kila ai ka jingkyrkhu kyrdoh bad kitbok kitrwiang iaki samla pule ba kin nang lah shuh shuh ban jop haka jingim pule puthi bad ban long ruh ki myntoi ka imlang sahlang hadien bala dep ka jingpule.