Syllad

Syllad

The Rising Meghalaya

  • Home
  • Meghalaya
  • North East
  • National
  • Global
  • Sports
  • Covid_19
  • Opinion
  • Advertisement
  • Contact
  • About
  • Pynkup burom ka KSU War Jaintia 58 ngut ki samla pule

    Syllad | The Rising MeghalayaOctober 30, 2021

    WhatsApp
    Share
    Share
    Tweet
    Pin

    Ka Khasi Students’ Union (KSU) War Jaintia Circle haka sngi Saitjain kala pynkup burom iaki 58 ngut ki samla pule kiba la pass haki eksam kiba kynthup iaka SSLC, HSSLC bad kiwei kiwei da ka khusnam “Mait Shaphrang Academy Award” ban pynshlur shuh shuh iaki samla pule haka jingim pule puthi jong ki.

    Kane ka dei ka sien kaba saw ba ka KSU War Jaintia kala pynkup burom iaki samla pule kiba jop haka jingpule haka thain Amlarem Sub Division.

    Nalor ki samla pule, la sam khusnam kyrpang ruh ïaki riew rangbah kiba la noh synñiang haka imlang sahlang kum u Dr Kermi U Tariang, u Michel Myrchiang uwei na ki nongshna phlim, Dr. Daimon Mickey Lamin.

    Ïaka jingïalang pynkup burom la pynlong ha Hall Syiem Jingsuk, Amlarem haka jingïadonlang u kongsan u Shemphang Lyngdoh Mawphlang Litigation Secretary KSU Central Body, u symbud kongsan u Ma Lop Pohtam President Core Committee jong ka War-Jaiñtia Limestone and Boulder Stone Exporter and Miner Association (WJLBEMA), u Dolloi ka Elaka Amwi u Ma Jemewell Pyrtuh bad u Dolloi ka Elaka Darrang u Ma Pyrwa Lymba bad kiwei kiwei.

    U Shemphang Lyngdoh Mawphlang haba kren haka jingialang pynkup burom ula pynpaw ïaka jingbynñiaw ba duna palat ki samla Khasi-Jaintia kiba phaikhmat sha ka Civil Service Exam bad ula pynshlur ïaki samla ban minot ha ki jingpule bad iakhun ia kine ki exam kiba long ki paia jong ka synshar khaddar.

    Ula kyntu ïaki kmie ki kpa ba kin pynshlur ïaki khun ba kin pynleit jingmut noh haki kam Civil Service namar ki briew la jong ki tip lut ïaka jinglong jingman ka duh ka ïoh bad ki riti dustur jong ka jaitbynriew kaba ki briew ba nabar kim tip bad kim patiaw eiei. Ula kyntu ruh ïaki samla pule ba kimdei ban klet ïaka jaitbynriew la ki don ha kano kano ka kam kaba ki trei nangne shakhmat.

    U Sonstar Nongkhlaw, Assistant Finance Secretary KSU central body ula ïathuh ba ka KSU kala 6 tylli ki skul na bynta ban ai jingshakri ïaki khynnah kiba wan na ki longïing ba duk. Ula ong ruh ba ka KSU ka la phah 10 ngut ki samla ban pule haka line Engineer, 10 ngut haka B-Farm bad 5 ngut haka Nursing bad baroh kine ki samla ki la wan phai sha ka Jylla bad trei haki tnad treikam bapher.

    Google News Button syllad

    Syllad | The Rising Meghalaya

    Syllad is a fully digital news portal from Meghalaya. With tagline “Syllad-The Rising Meghalaya” Syllad brings voices of Meghalaya to the rest of the world.

    Leave a Reply Cancel reply

    Your email address will not be published. Required fields are marked *

    STAY CONNECTED

         Facebook

       Instagram

       Youtube

       Twitter

    SITE LINKS

    • About
    • Advertise with us
    • Hiring Freelance Writers
    • Contact us
    • Privacy Policy
    • Grievance Redressal
    • Refund policy
    • Terms and Conditions
    • Advertisement

    © 2019 Syllad

    Powered By AbodeOrigin | Marketing Wire
    Empanelled With Directorate of Information & Public Relations
    Government of Meghalaya