Pynkup burom ka KSU Wahiajer ia kiba wan shakhmat ha ki eksamin

Syllad | The Rising MeghalayaNovember 5, 2023

Ka Khasi Students’ Union (KSU), Wahiajer Unit kaba hap hapoh ka Jowai Circle, West Jaintia Hills District Unit haka 4 tarik Naiwieng ka la pynlong iaka jingsam khusnam iaki samla pule kiba pass bha shakhmat kaba tip kum ka ‘1st Maitshaphrang Award.

Ki don saw ngut samla pule kiba pass bha ha ka SSLC bad ka HSSLC Examination kikila shah pynkup burom da ka Maitshaphrang Award kynthup ruh kawei ka khusnam Bravery Award ne kam shlur.

Haka jingialang lyngkot la ioh ka jingkren na u samla Emki Shylla, President Wahiajer Unit, samla Leningrad Tariang, General Secretary West Jaintia Hills District Unit bad na u samla Phrangki Kyndait Organising Secretary jong ka seng FKGJP.

Ka Shellkitbok Kharbani Assistant Education Secretary, KSU Central Body ula ai ka jingkyrkhu kyrdoh ia ki samla ba kin dang iai tur sha khmat ha ka ban ioh ia u soh jong ka jingjop.