Pynkup burom ka KSU Narpuh iaki 28 ngut da ka Maitshaphrang Academic Award

Syllad | The Rising MeghalayaNovember 1, 2024

Ka Khasi Students’ Union, Narpuh Circle kala pynkup burom iaki 28 ngut ki samla da ka 13^th Maitshaphrang Award haka jingialang kaba la pynlong ha Christian Secondary School, Lumshnong ka 1 tarik Naiwieng.

Kine ki samla kiba shah pynkup burom ki dei kiba wan haka kyrdan first division haka SSLC HSSLC Degree bad Masrer Degree jong mynta ka snem 2024.

U samla Streamly N Suchen President KSU EJHDU ula long kum u kongsan bad haka jingkren jong u, ula ong ba ka jingthmu ba ka KSU kala pynlong ia kane ka jingpynkup burom ha kylleng ka Khasi Jaintia ka long ban pynshlur iaki samla ha ka pule ka puthi.

Kiwei kiba iadonlang ha kane ka jingialang dei u samla Cherity Suja Asst. Finance Secretary KSU EJHDU kum u Symbud kongsan. Principal ka Christian Secondary School Lumshnong u G. Khonglah S. Pynkhlong president barim ka KSU Narpuh Circle, Shaniahskhem Dkhar Finance Secretary KSU EJHDU, u Deniwan Lyngdoh Organising Secretary KSU EJHDU bad ka jingdonlang dkhot KSU Narpuh Circle ki khynnah skul ka Christian Secondary School Lumshnong bad ki nonghikai jong kane ka school. La pyniaid ia ka program da u Bah KS Suchiang President KSU Narpuh Circle.