Pynkup burom ka KSU Namdong iaki samla pule ba pass bha daka 5th Maitshaphrang Academic Award
Ka Khasi Students’ Union (KSU) Namdong Area Unit haka 12 tarik Naitung kala pynkup burom iaki samla pule kiba pass bha haka eksam SSLC, HSSLC bad kiwei kiwei ki kyrdan pule.
Ha kane ka sngi ka KSU nalor ka jingpynkup burom iaki samla ba pass bha kala pynrung dkhot thymmai ruh ha katei ka thain.
Shuh shuh ha kane ka juh ka sngi la pynkup burom ruh iaki waheh shnong ka thain kum kadak ka jing sngewnguh iaka jing iatreilang bad ka KSU.
U samla Erick A Nongkynrih Sports Secretary KSU CEC u la long u Kongsan bad pyntiansmai ia ki dkhot ki ba pyniasoh sha ka KSU Namdong Area Unit.
Ia ka jingialang la pyniaid da u samla Juhhi Tariang general secretary KSU Namdong Area Unit bad la ioh ia ki kyntien maitphang na u samla Kitboklang M Lamare president ka KSU Namdong Area Unit. Kiwei kiwei kiba iadonlang ki kynthup ia u nongialam ka CEC samla Shaining Kharbihkhiew, u samla Laitphar Syngkrem president KSU West Jaintia Hill District Unit, u samla Leningrad Tariang general secretary KSU West Jaintia Hill District Unit, ka samla Ladaplin Hayong president KSU Girls Wing West Jaintia Hill District Unit bad kiwei kiwei.
La iadonlang ruh ki nongialam ka FKJGP, ki waheh Raid ka Namdong bad ki waheh shnong ka thain.
U samla Erick Anthony haba kren haka jingialang u la ong haduh mynta ka jaid bynriew jong ngi ka dang duna ophisar kum ki SP bad DC ban pyniaid iaka kam synshar ka khaddar ha Jylla lajong. Ula ong ruh ba ka KSU kala wad ia shibun ki lad ki lynti ban iarap iaki samla ban iakhun bad ban jop iaka eksam civil services lane ki eksam ban long ki ophisar IPS bad IAS.
La pynphuh pynpieng ia kane ka program da ka jing shad tynrai naki samla naka Shnong Mukhnang bad naki samla naka Shnong Namdong
Facebook
Instagram
Youtube
Twitter
Leave a Reply