Pynkup burom ka KSU iaki samla ka East Jaintia Hills kiba khur takma na ka North East Games

Syllad | The Rising MeghalayaApril 13, 2024

Ka Khasi Students’ Union (KSU) East Jaintia Hills District Unit (EJHDU) kala pynkup burom iaki 6 ngut ki samla ialehkai na East Jaintia Hills District kiba ioh khur takma naka North East Game 2024 kaba dang shuh dep long ha Jylla Nagaland ha u bnai Lber (March) 2024.

Kine ki nongialehkai kiba la shah pynkup burom ki kynthup ia u Repol Dkhar ula ioh khur ar tylli ki takma kawei ka takma ksiar haka 4×400m relay men bad ka takma rnong 4×100m relay, u Eleven Dkhar uba la ioh khur ar tylli ki takma kawei ka takma rnong haka 800m bad ka takma rnong haka 4×4pp mixed relay, u Bhalang Shadap uba la ioh ban khur iaka takma rupa haka Boking (67kg), u Knerlang Phawa u la ioh ban khur iaka takma rnong haka cross country team event, u Phermiki Salahe ula ioh ban khur iaka takma rnong haka compound men team bad ka Rukini RT Dkhar kaba la ioh ban khur iaka takma rnong 4×400m relay women.

Ka KSU lyngba ka sports committee kala pynkup burom ia ki kine samla ialehkai ha ophis treikam jongka haka jingpyniaid u Shwari Ryngkhlem uba dei u chairman ka sports committee bad haka jingiadon lang u assistant organising secretaryKSU-EJHDU u Donbok Mukhim, Hamewanpynhun Ryngkhlem, publicity secretary KSU EJHDU, u Cherity Suja assistant finance secretary KSU EJHDU.

Ka KSU ka dap da ka jingsngewsarong ia ka jingtrei shitom kine ki samla namar ki la wan rah iaka nam ka burom ka District bad iaka iing ka Sem jong ki bad kumjuh ruh iaka jylla Meghalaya. Ka KSU kala kyntu kynpham ia kine ki samla ba ki nangtrei shitom ha ka jingialehkai ban jop haka jingim ialehkai ymtang haka ri hynrei wat ka shabar ka ri.