Pynkup burom ka JSM iaki 22 ngut ki khynnah ba pass bha haka SSLC bad HSSLC

Syllad | The Rising MeghalayaSeptember 5, 2021

Ka Jaiñtia Students’ Movement (JSM) lyngba ka Ka Education Cell jong kala pynkup burom ïaki 22 ngut ki khynnah kiba pass bha haka eksamin SSLC bad HSSLC kaba tip kum ka 3rd Academy Excellency Award 2021.

Ïaka jingpynkup burom la pynlong haka 4 tarik Nailur ha Jaiñtia Eastern College, Khliehriat haka jingïalang ba la pynïaid da u General Secretary JSM Central Body u R Dkhar bad la ïoh ki kyntien pdiang burom na u Heyboyme Myrphet Secretary Education Cell Central Body.

Ka jingthmu ba pynlong ia kane ka jingpynkup burom kalong ban ai mynsiem bad ban pynshlur iaki khynnah bad ki samla ban nang iai treishitom haka jingim pule puthi.

U Leningstar Rymbai President JSM haka jingkren u kyrmen ba kine ki samla kin kylla long kum ki ophisar ban shakri na bynta ka bha ka miat jong ka imlang sahlang.

U Dr. Phervision Nongtdu, Principal Jaiñtia Eastern College, ula ai khublei bad kitbok kitrwiang iaki khynnah kiba shah pynkup burom bad ula ong ba ki dei ban nang iai treishitom haka jingim pule puthi.

Ula ong ki khynnah skul bad samla pule ki dei ban iai beh iaka jingstad katkum ka jingdawa jong ka por ban poi sha ka thong.

Kiwei kiwei ki kren ki dei ka Dr. B. Papang Assistant Professor Jaiñtia Eastern College, Dapoiwanmi Laloo President MPUF nalor kiwei kiwei.