Pynkup burom ka dorbar shnong Lumpariat iaki topper HSSLC

Syllad | The Rising MeghalayaAugust 26, 2025

Ka dorbar shnong Lumpariat haka 23 tarik Nailar kala shim iaka sienjam ban pynshlur bad pynkup burom iaki samla kiba pass bha haka HSSLC 2025 ne ki topper kiba wanrah iaka nam ka burom jong ka shnong.

Kine ki samla kiba shah pynkup burom ki kynthup iaka Reesa Ee Christine Suting, kaba wan haka kyrdan kaba 5 ha ka HSSLC Examination 2025 haka Science Stream bad ka Sophia Niang, kaba la wan haka kyrdan kaba 6 ha ka Commerce Stream.

Ka dorbar shnong Lumpariat da ka jingsngewsarong kala ai khublei iaka jingtrei shitom bad minot jong kine ki samla pule bad kitbok kitrwiang iaki ba kin nang kiew shaphrang haka jingim pule puthi ka jong ki ha ki sngi ba dang wan.

Ka dorbar shnong kala ong ba ka jingjop jong kine ki samla ka long kum ka jingai mynsiem ia ki samla ka Lumpariat bad ia ka imlang sahlang hi baroh kawei.