Pynkup burom ka bor District West Jaintia Hills iaki ar ngut ki nongialehkai

Syllad | The Rising MeghalayaJune 5, 2025

Ki bor synshar District jong ka West Jaintia Hills haka 4 tarik Jylliew kila pynkup burom iaka samla Sawakani Lakiang bad samla Alexander Lyngdoh haka jingialang kaba la long ha Conference Room DC ka DC ophis.

Ka samla Sawakani Lakiang kala shah pynkup burom halor ka jingkhur ïa ka takma ksiar haka SAARC Women’s Bikini Model category kaba pynlong da ka World Fitness Federation jong ka South Asian Association for Regional Cooperation ha Mumbai ha ka 19 tarik Jymmang.

Katba u samla Alexander Lyngdoh ula shah pynkup burom halor ka jingkhur khusnam ba ar haka Left Hand Category bad ba lai haka Right Hand Category ha ka lympung ïalehkai Asian Arm-Wrestling Championship, 2025 kaba la long haka 4 tarik Jymmang haduh ka 11 tarik Jymmang 2025 ha New Delhi.

Ia kine ki arngut ki samla la pynkup burom iaki da u Deputy Commissioner West Jaintia Hills District u Abhinav Kumar Singh, IAS, haka jingiadonlang ki Additional Deputy Commissioner ba kynthup ka Kong B. Blah, ka Kong HML Kynta bad ka Kong DV Lyngdoh haka jingdonlang ki ba haiing hasem.

Iaka jingialang la pyniaid da u Assistant Commissioner Bah GLC Myliem MCS bd la pynwai iaka jingialang da ki kyntien khublei na u AI. Mawrie Research Officer Planing Branch Dc Office.