Pynkhuid surok ka San Shnong Welfare Assoc na Kongong haduh Lumshyrmit

Syllad | The Rising MeghalayaApril 8, 2022

Ka San Shnong Welfare Association (SSWA) Mukhaïalong, East Jaintia Hills District haka sngi Thohdieng kala pynlong iaka jingpykhuid surok na Kongong haduh Lumshyrmit.

Ia kane ka jingpynkhuid surok la pynlong da kaba phiah ar kynhun, kawei ka kynhun kala pynkhuid na Kongong mar iakhlad na ka surok bah NH 6 bad kawei pat na Lumshyrmit bad kila iakynduh haka shnong MukhaIalong ha San Shnong Secondary School.

Haba la poi ha Mukhaialong la pynlong iaka jingialang kaba lyngkot kaba pyniaid da u president u Ki Dkhar bad la ïoh ka jingkren na u Waheh shnong Mutong u Helping Phawa uba la kren shaphang ka jinglehkhuid.

U Ma Helping ula ong ba mynṭa naduh ba kine ki shnong kiba hap haka San Shnong kila khring iaki nongshang kai suwari ne ki tourist naduh ki trai jylla bad kiba na bar, kumta kaba kongsan ka long ba baroh u nongshong shnong u dei ban don ka jingkitkhlieh halade ban pynneh iaka jingkhuid jingsuba khnang ba ki paidbah ka thain kin myntoi na ka kam Tourism.

Yn ioh bhah ka san shnong naka NDB ba phaikhmat sha ka Tourism

Kane ka thain kala paw haka jylla na ki jingdon jaka jngohkai kiba la khring bha iaki briew ki kynthup iaka viewpoint ha Khlehmoochutia, ka khsaid Moopun ha Mutong, Sahksaw beach bad ka kshaid Rynji ha Cham Cham, ka kshiad Latang bad Ka Kremlabit ha Lumshyrmit bad kiwei kiwei, kumta ula banjur ia nongshong shnong ban tyngkai iaka jingbuh jingsat ka mariang.

Ha kane ka jingpynkhuid surok la iashimbynta da ki paidbah nongshong shnong bad ki khynnah skul.

La plie biang iaki jaka jngohkai haka shnong Lumshyrmit

Ki nongïalam shnong kiba la don lang ha ka jingpynkhuid ki long u Tyrnit Pdeiñ general secretary San Shnong Welfare Association, u Luh Dkhar Waheh shnong Cham Cham, u Karlud Dkhar secretary shnong Cham Cham, u Tyllibiang Sana secretary shnong Mukhaïalong, u Bitral Dkhar ex-president SSWA, u Riling Phawa dkhot San shnong, u adviser Mul Phawa.