Pynkhreh ka sor Jowai wow pdiang ya ka Christmas wa ya u snem thymme

Syllad | The Rising MeghalayaDecember 21, 2023

Ki Dorbar Chnong kamjooh ki Balang waphær waphær ha sor Jowai da pynkhreh ki wow pdiang ya ka Christmas wa ya u snem thymme deiwa pynriam ya ki Yungmane wa ki bynta ki luti yngkieñ ki Dorbar Chnong.

Da yoh u sakhi ya ini ha ki kattu katni ki bynta ka Jowai heiwa ha ki laad ki luti da pynriam ya ki da ki khrik-khrak, ki khloor wa ki Dieñ Christmas wa ki Flex wa thoh ya ki kyntien khublei.

Ha Salaroh da sakhi ya ki khon khynroo ka chnong wa da pynriam ki ya u dieñ Christmas wa i trep wa da pynwandur ya i trep (Shyngoid) kam i thaw wa kha ya U Jisu kamjooh leh ha Madan Daimasi wa da pynriam pynphooh ya ka Park wa em ha ini i thaw, ha Khimmusniang leh da yoh u yoo ya ki khynnah wa chondur ki ha i thaw wa da pynriam.

Ki luti syngkieñ kam ha Loompariat, Mission Compound, Salaroh, Chutwakhu wa kiwi kiwi leh da man kiwa da pynphooh ya ka samoi lehkmen Christmas wei wow pdiang ya u snem thymme.

Neiliang u syllad.com chim u ya kani ka laad wow ekhublei Christmas wa Snem Thymme wasuk wakmen ya phi waroh.