Pynkhreh ka Assam ban shna sa ia ka surok na Khanduli sha Lapangap, ujor ka KSU

Syllad | The Rising MeghalayaJune 24, 2021

Hadien ka ishu shna ktem Pulit ka Assam ha Saba, mynta pat ka sorkar Assam kala khreh ban shna sa iaka surok ban pyniasoh iaka Khanduli bad Lapangap, la ong ka KSU Lapangpa haba ujor sha ka bor synshar District haka sngi Balang.

Ka sorkar Assam haka sngi ba Ar (22 tarik Jylliew) kala wan hiar palat 20 kali ban sor jamin iaka surok sha ka thaiñ Khanduli bad hiar ruh shaduh ka shnong Lapangap.

Ka KSU Lapangap lyngba ki nongialam jong ka u A Timung bad Saikial Sumer kila pynpaw ba kane ka jingwan ki briew sorkar na Assam kynsan kynsan ka la pynher syrngiew ïa ki nongshong shnong.

Ka KSU kala ong ba ka jingthmu jong katei ka jingleit hiar jurip ka long ban shna surok naduh Khanduli sha Lapangap.

Ka KSU kala ai da ka dorkhat sha ka bor synshar district jong ka West Jaintia Hills ban shimkhia ban iakren bad ka bor synshar district ka West Karbi Anglong District khanglad ia kane ka jingthmu khnang ban iada ia u pud u sam ka Jylla.