Pynkhie im biang iaka WJSU

Syllad | The Rising MeghalayaDecember 9, 2023

Ka War Jaiñtia Students’ Union kawei naka seng bala sdang ha u snem 2000 bad kaba la sangeh treikam naduh u snem 2015, haka 8 tarik Nohprah kala pynkhie im biang iaka haka jingialang bala pynlong ha Amlarem West Jaiñtia Hills District.

Ka jingpynkhie im biang ia kane ka seng dei namar ba ki nongialam ki iohi ia shibun ki jingeh hapoh ka thaiñ War Jaiñtia.

Kumta ha kane ka sngi la thung ruh iaki nongialam ka Executive Committee ba shipor ki ban treikam hapoh 6 bnai, bad hapoh kine hi ki bnai ka seng kan sa pynlong iaka election naka bynta ban jied iaki nongialam ba pura kynthup naduh u President kumjuh ki dkhot ka Central Executive Committee khnang ba ka rukom treikam kan long kaba iaid beit iaid ryntih.

Ki dkhot bala jied kynthup u Alban K Gashnga Chief Adviser, Donstand Khonglah Advicer, Namdichai Lamare President, Sumar Dkhar Vice President, Jai Pohshna General Secretary, Dei Syad Joint Secretary, Arwinstar Gashnga Finance Secretary, Saiñborlang Lamin Asst Finance, Autumn Sumer Education Secretary, Everest R Langstang Publicity Secretary, Donbok Dkhar Sport Secretary bad u Sumar Syngkor Environment Secretary.

Naduh mynta ka sngi ki arngut ki nongai buit ka committee ryngkat bad ki dkhot ba shipor kin iatreilang ryngkat ryngkat ban pyniaid beit iaka kam.