Pynjop u Chwamiki iaka All Jaintia CA pyrshah iaka South West Khasi Hills haka Inter District U-19 Boys Cricket

Syllad | The Rising MeghalayaApril 19, 2022

U Chawamiki Ryngkhlem ula kylla long u namtam bad lam lynti iaka iaka All Jaintia Cricket Association (AJCA) ban khur iaka nam jop kaba 67 run pyrshah iaka South West Khasi Hills (SWKH) haka lympung ialehkai Inter District U-19 Boys Cricket kaba pyniaid da ka Meghalaya Cricket Association (MCA) haka Zone 1 kaba long ha Khliehtyrshi haka sngi ba Ar. 

U Chwamiki Ryngkhlem marwei ula kamai 57 run bad ioh khyrwit ruh 5 wicket kaba ai mynsiem iaka kynhun baroh kawei bad ioh iaka namjop kaba bun run.

Ha kane ka jingiakhun da ka jingsynniang u Chwamiki haduh 57 run kala iarap shi katdei eh iaka kynhun ban buh iaka thong kaba 174/10 na ka 35 over. U Saibormiki Passah ula kamai 28.

Lai ngut ki nongkawang bol ka SWKH kila ioh khyrwit mar 2 wicket bad kine ki kynthup ia u James Clifford Shylla (2/23), Iainehskhem Lyngkhoi (2/28) bad Dawanpynkmen L Rngaid (2/36). 

Haba poi ka pali jong ka SWKH ban beh iaka thong kala liem 4 wicket bad kamai tang 20 run. U Iainehskhem Lyngkhoi ula synniang sha u sup u thiar kamai run ka SWKH 44 run naka 34 ball. Ka SWKH ha kane ka jingiakhun kala liem lut baroh 10 wicket bad kamai 107 run.