Pynjari ka District Magistor da ka Section 163 BNSS ban shngain ki ar tylli ki jingkieng ha East Khasi Hills

Syllad | The Rising MeghalayaOctober 15, 2024

Ka District Magistrate ka East Khasi Hills, ka la pynjari da ka kyndon aiñ Section 163 BNSS kaba pyrkhing ha kaba iadei bad ka leit ka wan jong ki kali lyngba ki ar tylli ki jingkieng kiba don ha ki jaka khappud jong ka District.

Kane ka jingpynjari kyndon ban iaid lyngba kine ki jingkieng kiba kynthup ia ka jingkieng Umpung ha surok Balat-Bagli, kawei pat ka jingkieng dieng halor ka wah Dakni ha Balat ha ka surok Mawphlang Balat kaba don ha Wahjapuh ha ka surok Ichamati – Bholaganj ka la wan long hadien ba la shem ba kine ki jingkieng ki la tor bad synjor.

Kumta na ka liang ka District Magistrate ka la pynmih ia ka hukum kaba khang pyrshah ia ki kali kiba kit palat ia ka 6 metric ton ba kin iaid lyngba na kine ki jingkieng bad ruh ban pynher sted palat  iaka 15 Km PH khnang ban lait na kano kano ka jingma.