Pyniasoh UDP u Baitlang Pohsngap na Jowai Circle

Syllad | The Rising MeghalayaDecember 31, 2022

U Baitlang Pohsngap uwei na ki riew rangbah uba na ka shnong Khimusniang uba la ju iakhun iaka elekshon MDC sha ka Jaintia Hills Autonomous District Council (JHADC) ula pyniasoh ialade sha ka party United Democratic Party (UDP).

U Ma Baitlang Pohsngap ula pyniasoh ialade sha ka UDP bad la pdiang burom ia u haka 29 tarik une u bnai haka jingialang pynskhem iaka nonghkitkam iaka primary unit ka Ialong pyllun.

Ha kane ka sngi la pdiang burom ia u da ki nongialam ka UDP kiba kynthup ia u president ka UDP West Jaintia Hills, uba dei ruh u kyrtong ka 2 Jowai Constituency u ma Moonlight Pariat haka jingiadonlang u secretary UDP u Kitboklang Nongtdu bad kiwei kiwei ki nongialam bad nongkyrshan ka party UDP.

U Ma Baitlang haba kren haka jingialang ula iathuh ba ka daw ba ula iehnoh iaka party Congress namar ba kala pait la pra bad ula rai ban ai ka jingkyrshan kaba pura ia u ma Moonlight Pariat ha kane ka kynti. Ula ong ruh ba kim don shuh shuh kiwei kiwei ki party kiba u i biang ban kyrshan bad dei ka party UDP kaba dei ka party trai ri.

Ula ong ha kane ka kynti ula rai ban kyrshan pura ia u ma Moonlight Pariat u briew uba la ih ka jingmut jingpyrkhat ban long u nongmihkhmat bad ula khot ia baroh ki nongkyrshan ka party ban trei shitom ban poi sha ka thong.