Pyndep ka Raij Jowai iaka Kbai Mooknor, kyntu ban bud iaki adong adit

Syllad | The Rising MeghalayaJune 1, 2024

Kumba ju long manla u snem shuwa ban ban poi ki sngi ki ia ka lehniam Behdieñkhlam, ka Raij Jowai ruh kala pyndep iaki lehniam ryngkat ka suit ka shor bapher bapher ha kane ka taiew.

Haka 31 tarik Jymmang ka Raij Jowai la pyndep iaka Kbai Mooknor, haka jinglam khmat u Dolloi ka Elaka Jowai, u khlieh ka niam, Pator, u Langdoh, ki Sangot, ki Wasan, ki Phrakur Phrakmai bad ki Waheh Wasian (rangbah) ka Raij kila mih sha iew ban pynbna sha ka pythei bala sdang ka Lehniam Behdieñkhlam.

La pyntip sha ka shnong ka thaw, ka iew ka hat ba la sdang ka niam ka rukom Behdieñkhlam bad ba ym bit shuh ban rah ïaki shyieng jong kiba la ïap nabar ryngkaw (na bar ka shnong Jowai) bad ruh ban rah shabar u ryngkaw. (sha bar ka shnong Jowai) tad haduh ba ladep ka lehniam Behdeiñkhlam.

Mynta ka sngi pat la pyndep iaka jingainguh aidem iaki Soodwar Sooluti bad iaka Tawiar Takan ne ka Wah Myntdu kaba la ngeit ba ka dei ka nongda nongker ka Jowai.

Ki Soo Dwar Soo Luti kynthup ia u Mookhai, Mootong, Mooralong bad Moosniang.

Ka Behdieñkhlam mynta u snem kan long naduh 30 tarik Jylliew haduh 3 Naitung 2024.