Pyndem uba shah kynnoh dung ia u Solomon

Syllad | The Rising MeghalayaJuly 6, 2023

Uwei na kiba shah kynnoh donkti ban dung ia u dkhot ka seng Hynñiewtrep Integrated Territorial Organization (HITO) u Solomon Rymbai ula wan pyndem dalade ha khmat ki Pulit jong ka Ummulong.

Une uba wan pyndem u dei u Damut Bang, ula wan aiti hi dalade ha khmat ki pulit Ummulong Beat House kaba hap ha Jowai Police Station haka sngi ba Ar.

Kumban shu pynkynmaw kane ka jingjia iadung iasuh kala jia haka miet 9 tarik Lber jong une u snem ha Mukhla Shohshrieh. Katkum ka jingmudui ejahar ki don ar ngut kiba shah kynnoh donkti bad kine ki kynthup u Damut Bang bad u Palmon Sari kiba naka shnong Lad Mukhla, West Jaintia Hills District.

Ha kane ka jingjia u Solomon Rymbai ula shitom jur, hynrei ka jingioh jingsumar biang por ula lait naka jingiap.

Ki pulit kila rah ia u Damut sha iingbishar haka sngi Balang bad ka iingbishar kala rai tian bishar judicial custody ia u.