Pynbna u DSO Jowai ban sdang noh shen iaka Subroto Cup

Syllad | The Rising MeghalayaMay 16, 2022

U District Sports Officer, West Jaintia Hills District Ma Khroobok Passah ula pynbna paidbah ba shen yn pynlong noh iaka Inter School Subroto Cup Football Tournament 2022 ha madan Kiang Nangbah Stadium, Jowai.

U Ma Passah ula pyntip ia kane ka football ki khynnah skul yn sdang haka taiew kaba nyngkong u bnai Jylliew (June) nad ka bynta ki Under-14 bad Under-17  Boys  bad Under-17  Girls.

Ia ki entry form lah ban ioh naka ophis u DSO haka por long trei.

Kino kino ki skul kiba kwah ban iashimbynta kin pynpoi iaki thup kyrteng jong ki player (List of  Players) ha ryngkat ki dur passport  size ba shon dangshen bad ki Birth Certificate kiba la ai da ka Municipal  Board/CHC/PHC/Aadhaar Card shuwa ka 24 Jymmang 2022.

Ka Screening ne ka jingjurip iaki player kan long haka 25 Jymmang naduh ka por 9 am ha Kiang Nangbah Indoor Stadium, Jowai. Haka screening la shah tang 25 ngut ki player ha kawei pa kawei ka kyrdan bad dei ban wanrah ryngkat iaki original birth certificate.

Ka jingot snem ne ka cut off years kalong kumne harum:
Under – 14 Years (Boys) kiba kha ha lane hadien ka 1 Kyllalyngkot (January) 2009.
Under – 17 Years (Boys) kiba kha ha lane hadien ka 1 Kyllalyngkot (January) 2006.
Under – 17 Years (Girls) kiba kha ha lane hadien ka 1 Kyllalyngkot (January) 2006.