Pynbna u Baitlang Pohsngap ban aireng MDC Election

Syllad | The Rising MeghalayaSeptember 19, 2023

U Baitlang Pohsngap uba la ju aireng haka MDC election, ula pynbna paidbah ban ai reng haka MDC election 2024 naka 19- Jowai South Constituency.

Ula iathuh ba ka mat iakhun iaka Election MDC, ka long ban iada ia ka Ri bad jaitbynriew na ka jing shah tyllep ha kiwei pat ki jait bynriew kaba long ka daw bah ka jingshah knieh naduh ka kam ka jam ka khaii ka pateng ka pule ka puthi bad kiwei kiwei.

Nalor kata kawei pat ka mat jong u, ka long ban pynkhlain ia ka JHADC kaba long ka aiñ ba khlain bor tam ba la pynkup bor lyngba ka Sixth Schedule jong ka ri India kaba ïada ïa ka khyndew ka shyiap bad ka jinglong kyrpang jong ka jaitbynriew.       

U Baitlang Pohsngap ula pan ruh ka jingkyrshan naki nongshong Shnong ka 19 Jowai South Constituency ban pynur long iaka jingthrang jingangnud jong u da kaba ai jingkyrshan ia u ha kane ka MDC election 2024.

Ha kaba iadei bad ka party kaba un iakhun u Baitlang Pohsngap um pat la pynbna ne ong eiei.