COVID-19: Pynbna micro containment iaki lai tylli iing ha Wapung Shnong

Syllad | The Rising MeghalayaAugust 22, 2020

U District Magistrate, East Jaintia Hills District ula pynbna ia ki lai tylli ki longiing ha Dong Rymbai, Wapung Shnong, East Jaintia Hills kum ka ‘micro containment area’ haka sngi Saitjain khnang ba tnad ka koit ka khiah jong ka district kan pyndep iaka jingjurip iaki briew kiba hap haka high risk bad low risk contact.

Katkum ka kaiphod ka tnad ka koit ka khiah ki don ar ngut kiba la iabit iaka jingpang khlam na Dong Rymbai Wapung Shnong ha ka taiew kaba la dep bad ki don ka jingiakynduh bad uba ioh kem pang nyngkong.

U District Magistor haka hukum kaba ula pynmih ula pyrkhing iaka leit ka wan sha katei ka jaka kaba la pynbna kum ka ‘micro containment area’ sha kitei ki lai tylli ki longiing naduh 22 tarik Nailar shiteng synia haduh 6 baje mynstep jong ka 26 tarik Nailar 2020 ban pyndep iaka contact tracing naka bynta ka jingbha u paidbah salonsar bad ban iada na ka jingpur ka khlam COVID-19.

Ym shah iano iano ban rung sha kitei ki lai tylli ki longiing bad baroh kiba shong ba sah ha kitei ka iing ruh kim bit sha bar nala ka iing jong ki.