Pynbna ka sorkar ia u Helpline Number namar ka jingjia shlei um ha Sikkim

Syllad | The Rising MeghalayaOctober 6, 2023

Ka Sorkar Meghalaya ka la pynbna ba la pyntreikam ia u helpline number 1800-345-3644 na ka bynta ki nongshong shnong bad ki khynnah pule na ka jylla Meghalaya kiba don hapoh Sikkim kiba lah ban donkam ia ki jingiarap namar ka jingjia shlei um shyrkhei kaba la jia dang shen ha ka jylla Sikkim.

La kyntu ia kine ki nongshong shnong ne khynnah pule ka jylla ba kin phone sha une u nombor lada ki donkam ia ki lad jingiarap namar katei ka jingjia shah pynjulor.

Nalor kata ki nongshong shnong bad ki khynnah pule kiba donkam kyrkieh ia ki jingiarap ki lah ruh ban phone sha ka Mrs A. Ali, Additional Director of Higher and Technical Education, ka sorkar Meghalaya ha u  no: 98630 63305 bad u Bah F. B Ramsiej, Deputy Director Higher and Technical Education, Sorkar Meghalaya ha u No: 7005037347 khnang ban lah ban shim ia ki sienjam kiba donkam.