Pynbna ka Meghalaya Cricket iaka kyrteng ki thei ialehkai U15 bad shynrang U16 na ka bynta ka samoi 2025-26

Syllad | The Rising MeghalayaAugust 19, 2025

Ka Meghalaya Cricket Association ka la pyllait paidbah ia ki kyrteng ki thei ialehkai U-15 bad U-16 ki khynnah shynrang, kum shi bynta ka jingpynkhreh ka jong ki ban aireng ha ki lympung ialehkai kiban wan jong ka BCCI kaba dei naka bynta ka samoi ialehkai 2025-26.

Haka jingpyllait iaki kyrteng jong ki khynnah ialehkai la bthah bad jurip bniah ia ki syrnot sngi kha lyngba ka Age Verification Process (AVP), ia kaba la iaid lyngba ruh da ka TW3 bone test, ha kaba ia ka jingpyntikna ia kine baroh yn sa pyntip pat ia ka kam hadien.

Katkum ba la bthah da ka BCCI, ki player kiba ka kyrteng ka jong ki, ka la ioh ba kan rung sha kane ka thup ialehkai, kidei ban don lang ha ka AVP ia ki  syrnot (certificate) sngi kha, Aadhaar card, school marksheet jong ki lai snem, ka school bonafide certificate (ha ki lai snem kiba la dep) bad lada jia ba player ki la kylliang noh sha kiwei pat ki skul, donkam ban don ia ka syrnot sngi kha, ka syrnot jingpynshisha ba don ka jingsoi bad ka muhor da ki bor pyniaid skul.

Kitei ki jingbthah haneng ki long kiba donkam bad lada ki player kim lah ban pynbiang ia ki, kin nym lah ban leit sha ka test jong ka AVP.

Haba iadei bad kane, ka MCA ka kyntu ia ki player bad kumjuh ia ki dkhot jong ki District Associations ba kin pyntikna ba ia ki kot ki sla ba donkam dei ban pynbiang thik pa thik ha ha shwa ban leit sha ka AVP, ha ka juh ka por ka MCA ka pynpaw ba baroh ki syrnot kiba donkam dei ban long ha ka dur jong ka original copy bad dei ban rah lang ha ka nsgi ba pyndep ia ka TW3 bone test.

La pyntip ruh ba yn nym pdiang satia da ki Photocopies ia ki syrnot kiba donkam.

Ia ki jingtip kiba kham bniah lah ban leit wad na ka ophis treikam ka MCA ne na u Cricket Operations, bah Shining Star Lyngdoh on 9485098921.

U-15 girls: Janvi Kumari Sah, Enibisa R Marak, Lawanjingkyrmen Lyngkhoi, Charkicha Momin, Laviola L Mawlong, Aviana Myrthong, Prisceca Nongpiur, Onasa M Sangma, Ribakordor Nongsiej, Idatyngkai Marngar, Badphishyrta L Nonglait, Anuradha Gurung, Amrikchi D Shira, Jambera N Marak, Phibanylla Tongwah, Saramanbha Khongsti, Phibankheinkor Marbaniang, Mebalapynkmen Syiemlieh, Norida Marngar, Meaikyntiiaka Warjri, Haphilahun Makri, Akansa M Sangma, Iarikmenlang Kharbteng, Darijanai Synnah, Mugdha Bhattacharjee, Aniesha Arengh, Anowesa M Marak, Nemaisa M Sangma, Cheasa K Sangma, Nishika Tamang, Ribanhun Mawlong, Dawanpynkmen Nongphud, Banchimik R Sangma

U-16 boys: Suraj Chettri, Keshab Shah, Panlyson Bareh, Anmol Shah, Phrangborlang Syiemlieh, Soham Shah, Gautam Paul, Prasant Kumar, Anish Kedia, I Thuh Bha Dkhar, Ryan Wilson Malngiang, Phibanaibor Iawphniaw, Ynsanhame Tang, Rooney L Nonglait, Nobojit Chettri, Sunshine Star Nongsiej, Menang Shangpliang, Aniket Poddar, Arav Baraily, Navneet Shah, Steviericson Iawphniaw, Generous Dkhar, Cheniang CN Marak, Raian N Marak, Nikhil Dkhar, Pynskhemlang Nongsiej, Jopshwa L Mawnai, Naitik Singhania, Daniel Maring, Wadkidamei Lapasam, Pynkhraw Jomati, Waibhami Ryngkhlem, Andrewstarfield Rani, Gilford Iawphniaw, Sendo M Sangma, Leangku N Sangma, Ishan Saha.